Wednesday 19th, 20:00, Iceland Academy of the Arts, Sölvhóll Concert Hall, Sölvhólsgata 13 (behind the building)

Tinna Þorsteinsdóttir premiers works by Magnús Blöndal Jóhannsson, Guðmundur Steinn Gunnarsson and Jesper Pedersen.

Program:

• Magnús Blöndal Jóhannsson (IS): Sonorities I (1963)
• Magnús Blöndal Jóhannsson (IS): Sonorities II (1968) – World premiere
• Magnús Blöndal Jóhannsson (IS): Sonorities III (1972)
• Karlheinz Essl (AT): Kalimba (2005)
• Guðmundur Steinn Gunnarsson (IS): Harsamvaða (2010) – World premiere
• Jesper Pedersen (DK/IS): Laser Cat (2010) – Vorld premiere
• Magnús Blöndal Jóhannsson (IS): Surtur fer sunnan (1965) – Surtsey Volcano Documentary

Miðvikudaginn 19. maí mun píanóleikarinn Tinna Þorsteinsdóttir  
frumflytja píanóverkið Sonorities II frá árinu 1968 eftir Magnús  
Blöndal Jóhannsson á raflistahátíðinni Raflost í Reykjavík og er því  
um merkisfrumflutning að ræða.

Tinna mun leika píanóverk Magnúsar Sonorities I, II og III á  
tónleikunum, en þau eru skrifuð á árunum 1963-1972. Magnús samdi röð  
verka sem bera þetta heiti fyrir mismunandi hljóðfærasamsetningar.  
Píanóverkin einkennast af tilraunamennsku, en í Sonorities II, sem  
frumflutt er á þessu tónleikum, leikur Tinna alfarið á strengi  
píanósins með tólum og tækjum. Þriðja verkið í röðinni, Sonorities  
III, er samið fyrir píanó og tónband, en Magnús var einn helsti  
frumkvöðull elektrónískra tónsmíða á Íslandi og þótt víðar væri  
leitað. Verkið er mjög frjálst í formi, þar sem píanóleikarinn spinnur  
m.a. yfir hljóðbandið og þar má hlýða á ýmsa tónlistarstíla undir  
rokk- og djass áhrifum tíðarandans.

Magnús var fæddur árið 1925 og hefði því orðið áttatíu og fimm á  
árinu, en þessi merki maður lést árið 2005.

Önnur verk á tónleikunum eru í takt við tilraunagleði Magnúsar. Þar  
heyrist tónverkið Kalimba frá árinu 2005 fyrir dótapíanó og rafhljóð  
eftir austurríska tónskáldið Karlheinz Essl og tvö píanóverk verða  
frumflutt eftir tvö ung tónskáld, þá Guðmund Stein Gunnarsson  
(Harsamvaða) og Jesper Pedersen (Laser Cat).

Í kjölfar tónleikanna verður heimildarmyndin Surtur fer sunnan eftir  
Ósvald Knudsen frá árinu 1965 um Surtseyjargosið sýnd, en Magnús samdi  
tónlistina við myndina. Tónlistin samanstendur af hljóðum úr gosinu  
sjálfu og er því um mjög athyglisverða og merkilega hljóðmynd að  
ræða.Tónleikarnir hefjast kl: 20 í Sölvhóli, sal Listaháskóla Íslands  
og eru hluti af hinni árlegu raflistahátíð Raflost sem fram fer þessa  
dagana. 

Aðgangur á tónleikana er ókeypis.